Description
Review
ପ୍ରତ୍ୟେକ କବିତା ସ୍ୱକୀୟ ମହିମାରେ ମହିମାନ୍ୱିତ । କୌଣସି କବିତା ଭାବ ସଂପ୍ରସାରଣରେ ବା ଭାବ ବିନିମୟରେ ବାଧା ସୃଷ୍ଟି କରେ ନାହିଁ । ପ୍ରତ୍ୟେକ କବିତାରେ ଅଛି ଦୀପ୍ତି । ନୂତନ ନୂତନ ଚିତ୍ର-କଳ୍ପ ସଂଯୋଜନା ଓ ପ୍ରତୀକର ବ୍ୟବହାର ସଙ୍ଗେ ସଙ୍ଗେ ମିଥ୍]ର ଯଥାର୍ଥ ପ୍ରୟୋଗ ଏହି କବିତା ସଂକଳନର ପ୍ରତ୍ୟେକ କବିତାକୁ କାଳଜୟୀ କଳାମୂଲ୍ୟ ପ୍ରଦାନ କରିଛି । ଭାଷା ବ୍ୟବହାରରେ କବି ସଂଯତ ଓ ମିତଭାଷୀ, ଅଥଚ ତାଙ୍କର କାବ୍ୟ-ଭାଷା ଭାବଗର୍ଭକ । ପୂର୍ବ କବିତାମାନଙ୍କରେ ଯେପରି ସେ ବେଳେବେଳେ ଗଦ୍ୟାତ୍ମକ ହୋଇପଡ଼ିଥିଲେ ‘ବୃତ୍ତ’ କବିତା ସଂକଳନରେ ଅନ୍ତତଃ ସେଥିରୁ ମୁକ୍ତ ରହି କବିତାର ବିବିକ୍ତତା ସୃଷ୍ଟି କରିଅଛନ୍ତି । ବସ୍ତୁ ଶାସ୍ତ୍ର ଓ ଗ୍ରନ୍ଥ ଅଧ୍ୟୟନ କରି, କ୍ଷତବିକ୍ଷତ ଜୀବନ ସମ୍ବନ୍ଧରେ ବିପୁଳ ଅନୁଭୂତି ଲାଭ କରି ସେ କବିତା ସୃଷ୍ଟି କରିଚାଲିଛନ୍ତି । ବେଦ, ବେଦାନ୍ତ, ମହାଭାରତ, ଚଣ୍ଡୀପୁରାଣ, ଗୀତା, ଭାଗବତ ଓ ବିଭିନ୍ନ ତନ୍ତ୍ର ଶାସ୍ତ୍ର ଆଦି ଗ୍ରନ୍ଥଗୁଡ଼ିକର ଆତ୍ମିକ ଭାବ ସତେ ଯେପରି ତାଙ୍କର ସମସ୍ତ କବିତାରେ ବିଛାଡ଼ି ହୋଇ ପଡ଼ିଛି । ତାଙ୍କ କବିତାର ବିଚାରକ ମହାକାଳ । ନିଶ୍ଚିତ୍ତ ଭାବରେ ଏହ କାଳ ବକ୍ଷରେ ତାଙ୍କର କବିତା କାଳାତୀତ ହୋଇ ଢଳ ଢଳ ହେବ । ଏହି କାରଣରୁ ସେ କହନ୍ତି –
“ତେଣୁ ମୁଁ ତ ଧନ୍ୱନ୍ତରୀ
ଆସିଛି ଉତୁରି
କେତେ ଯେ ସମୁଦ୍ର ମନ୍ଥନ କରି
ମୋ ଦୁଇ ହାତରେ ଦେଖ ଜଳଜଳ ନିରାମୟ ଅମୃତରପାତ୍ର ।”
ଏହାହିଁ କବି ଦୀପକ ମିଶ୍ରଙ୍କର କାବ୍ୟପୁରୁଷର କାବ୍ୟ ଜିଜ୍ଞାସା ଓ କାବ୍ୟ-ଚେତନାର ସର୍ବଶେଷ ଅଭିବ୍ୟକ୍ତ । ଅମୃତ ଆଶାୟୀ କବି ମିଶ୍ରଙ୍କର କାବ୍ୟପୁରୁଷ ତଥାପି ସୃଷ୍ଟି କରିଚାଲିଛି ନୂତନ ନୂତନ କବିତା । ଏହି ସୃଷ୍ଟିର ବିରାମ ନାହିଁ । ସେହି ଅପ୍ରତିହତ ସୃଷ୍ଟି ପ୍ରକ୍ରିୟାରେ, ‘ବୃତ୍ତ’ ଅଷ୍ଟମ ଦଶକର ମଧ୍ୟବର୍ତ୍ତୀ ବିନ୍ଦୁରେ ବାସ୍ତବିକ ଏକ କ୍ରାନ୍ତି ସୃଷ୍ଟି କରିଛି- ଏ ବିଶ୍ୱାସ ମୋର ଅଛି ।
– ଅଧ୍ୟାପକ ବୈଷ୍ଣବଚରଣ ସାମଲ
About the Author
Product details
- Publisher : Black Eagle Books
- Publication date : 21 November 2022
- Language : Oriya
- Print length : 76 pages
- ISBN-10 : 1645600920
- ISBN-13 : 978-1645600923
- Item Weight : 109 g
- Dimensions : 13.97 x 0.46 x 21.59 cm
- Country of Origin : India
- Importer : Bookswagon, 2/13 Ansari Road, Daryaganj, New Delhi 110002, Sales@bookswagon.com , 01140159253
- Packer : Bookswagon, 2/13 Ansari Road, Daryaganj, New Delhi 110002, Sales@bookswagon.com , 01140159253
Indian Edition Also available on:
