Description
Review
‘ମାଟି’ ଗଳ୍ପ ସଙ୍କଳନ କଥାଶିଳ୍ପୀ ମାୟାଧର ସାହୁଙ୍କ ସୃଜନ ଯାତ୍ରାର ପ୍ରଥମ ଇସ୍ତାହାର ବୋଲି ବିଶ୍ୱାସ କରିବାକୁ କଷ୍ଟ ହୁଏ । ଅନିଶ୍ଚିତ ଭବିଷ୍ୟତକୁ ନେଇ ବଞ୍ଚୁଥିବା ମଣିଷର ଅସହାୟତାର କଥା, ଦୁଃସ୍ଥିତି, ଦୁର୍ଦ୍ଦଶା ଭିତରେ ଜୀବନ ବଞ୍ଚୁଥିବା ମଣିଷର କଥାକୁ ଏତେ ଜୀବନ୍ତ ଏବଂ ମର୍ମସ୍ପର୍ଶୀ ଭାବେ ବଖାଣିଛନ୍ତି ଯେ ସ୍ୱତଃସ୍ଫୂର୍ତ୍ତ ବେଦନାର୍ଦ୍ର ହୋଇ ଉଠେ ଅନ୍ତର; ସଙ୍କଳନର ଗପ ସବୁ ପଢ଼ିବା ପରେ । କରୁଣା ହିଁ ତାଙ୍କ ଗଳ୍ପର ଅନ୍ତଃସ୍ୱର । ତାଙ୍କ ବର୍ଣ୍ଣନାରେ ଦୁଃଖ ବି ଲାଗୁଛି ମହିମ୍ନ । ଭିଜାମାଟିର ସ୍ନିଗ୍ଧ ସୁଶୀତଳ ମହକରେ ଏ ସଙ୍କଳନର ଗପଗୁଡ଼ିକ ଆବିଷ୍ଟ କରି ରଖିବ ପାଠକ ପାଠିକାଙ୍କୁ, ଏଇ ବିଶ୍ୱାସ ସହ ଶ୍ରଦ୍ଧେୟ ଗାଳ୍ପିକଙ୍କ ପାଇଁ ମୋର ଆନ୍ତରିକ ଶୁଭେଛା । ତାଙ୍କ ଲେଖନୀ ବେଗଗାମୀ ହେଉ ।
– ଜୟନ୍ତୀ ରଥ, ସ୍ୱନାମଧନ୍ୟ ଗାଳ୍ପିକା ଏବଂ ଓଡ଼ିଶା ସାହିତ୍ୟ ଏକାଡେମୀର ପୂର୍ବ ସଚିବ
About the Author
ମାୟାଧର ସାହୁଙ୍କ ଜନ୍ମ ଯାଜପୁରରୋଡ଼ ନିକଟସ୍ଥ ରଘୁନାଥପୁର ଗାଁରେ । ସେ ବୃତ୍ତିରେ ଜଣେ ଇଞ୍ଜିନିୟର୍ । ସେ ଓଡ଼ିଶା ସରକାରଙ୍କ ସଂସ୍କୃତି ବିଭାଗ ଦ୍ୱାରା ଆରମ୍ଭ ହୋଇଥିବା ଯୁବ ଗାଳ୍ପିକ ପୁରସ୍କାରର ପ୍ରଥମ ପ୍ରାପକ ଓ ଫକୀରମୋହନଙ୍କ ୧୫୫ତମ ଜନ୍ମ ଜୟନ୍ତୀ ପୁରସ୍କାର (୧୯୯୬)ର ପ୍ରାପକ । କାର୍ଯ୍ୟବସ୍ତତା ତଥା ବିଭିନ୍ନ କାରଣରୁ ଦୁଇ ଦଶନ୍ଧିର ସୃଜନ-ସନ୍ୟାସ ପ୍ରାୟ ଜୀବନ ବିତେଇବା ପରେ ଗଳ୍ପ ସୃଜନରେ ପୁନଃ ଆତ୍ମସମର୍ପଣ କରିଛନ୍ତି । ତେରଗୋଟି ଗପକୁ ନେଇ ‘ମାଟି’ ଗଳ୍ପ ସଙ୍କଳନ ଓଡ଼ିଶା ସାହିତ୍ୟ ଏକାଡେମୀ ଦ୍ୱାରା ପ୍ରଥମେ ୧୯୯୮ରେ ପ୍ରକାଶିତ । ସତରଟି ଗପକୁ ନେଇ ଏହାର ପରିବର୍ଦ୍ଧିତ ସଂକଳନ ବ୍ଲାକ୍ ଈଗଲ୍ ବୁକ୍ସ ଦ୍ୱାରା ପ୍ରକାଶିତ ହେବାକୁ ଯାଉଛି । ଶ୍ରୀ ସାହୁଙ୍କ ପ୍ରକାଶିତ ଅନ୍ୟ ଗଳ୍ପ ସଂକଳନଗୁଡ଼ିକ ହେଲା- ‘ଅପରାଜିତା'(୨୦୨୨) ଓ ‘ଚିରୁଗୁଣି'(୨୦୨୩) ।
Product details
- Publisher : Black Eagle Books
- Publication date : 19 March 2024
- Language : Oriya
- Print length : 126 pages
- ISBN-10 : 1645604896
- ISBN-13 : 978-1645604891
- Item Weight : 168 g
- Dimensions : 13.97 x 0.76 x 21.59 cm
- Country of Origin : India
- Importer : Atlantic Publishers and Distributors (P) Ltd., 7/22, Ansari Road, Darya Ganj, New Delhi – 110002 INDIA, Email – customercare@atlanticbooks.com, Ph – 011-47320500
- Packer : Peacock Books, DE-155, TAGORE GARDEN, NEW DELHI, India 110027
Indian Edition Also available on:
